مصطفى شردي يعتذر على الهواء للرئيس السيسي والحكومة المصرية 

اعتذر الإعلامى محمد مصطفى شردى على الهواء مباشرة عبر برنامجه "الحياة اليوم" المذاع على قناة الحياة اليوم، للرئيس عبد الفتاح السيسى، والحكومة المصرية، معقبا: "العاصمة الجديدة هى جزء من الجمهورية الجديدة، وشايف اللى بيتم خلال 6 سنوات، مش قادر استوعب اننا خلال جمهورية جديدة، وإذا كنت أنا من خلال عملى بالسياسة والإعلام برضو مش قادر أتخيل ده".

وأضاف خلال برنامجه: "من أيام طلعت أتكلم واعتذر وبوجه اعتذارى للحكومة المصرية مرة أخرى، أنا بعتذر للحكومة المصرية، وبعتذر للرئيس عبد الفتاح السيسى، أن أنا مروحتش اتفرج قبل كده، مخدتش الكاميرات وبناتى ونزلت أفرجهم على العاصمة الإدارية، وعلى مصر اللى أنا كنت بتمناها، فى يوم من الأيام".

وتابع: "راجل لفيت العالم معظم عواصم العالم لفيته وغطيته وجنوب إفريقيا وكل ما تتخيلوه روحته، وكنت أروح أوروبا وكنت أتمنى أشوف المبانى دى عندنا، وجالى ذهول من العاصمة الإدارية الجديدة، بدعوكم تذهبوا تشوفوا بعنيكم ويكفى أن أنا أقولكم بعض الحاجات البسيطة، وشيفت الصبح من العاملين بالعاصمة بيتحركوا 600 ألف عامل، للعمل على يد واحدة، والبلد بدأت من 4 سنوات من رسومات ودراسات وعمل على الأرض"