10 أغانى أهداها ”عمرو دياب” لأفراد عائلته
يعد الفن هو بوابة المفاجئات يخرج لنا مجموعة من الوجوه الشابة التى تصعد على الساحة الفنية لتأخذ مكانة كبيرة فى وقت قصير جداً فى قلوب الجمهور، فنان اليوم هو "عمرو عبد الباسط عبد العزيز دياب" الشهير بإسمه الفنى "عمرو دياب"، فهو يعد ظاهرة فنية لا تتكرر كثيراً، خاصةً مع نجاحه فى حجز مكانه على القمة منذ عام 1983م، ورغم أنه بعيد عن الوسط الفنى وعن التصريحات المختلفة، إلا أنه لم يجد مفر لشكر من حوله إلا من خلال عمله الفنى الذى يجيده ويتقنه وهو "الغناء"، فقام بغناء العديد من الأغانى وأهداها إلى أفراد عائلته.
متخافيش
تزوج "عمرو دياب" من الفنانة "شيرين رضا" عام 1989م، وأنجب منها طفلة إسمها "نور"، وبدأ "الهضبة" مسيرته مع الغناء لأفراد عائلته منذ فترة كبيرة، حيث بدأ بأغنية "متخافيش" عام 1990م وهو الألبوم السابع له، ووجه "عمرو دياب" الأغنية للفنانة "شيرين رضا".
وكشفت الفنانة "شيرين رضا" أثناء حوارها فى أحد البرامج عن تفاصيل لقائها وزواجها بالفنان "عمرو دياب"، فقبل إحترافها التمثيل أخبروها أنها ستقوم بعمل إعلان مع مطرب جديد إسمه "عمرو دياب" وبعدها سافرت إلى أمريكا وبعد عودتها تزوجت من الهضبة.
وتم تصوير فيديو كليب "متخافيش" فى منزلهم حيث شاهد المنزل المخرج الفرنسى الذى أخرج الأغنية وأعجب بالمطبخ الكبير وطلب من الفنانة تصوير الكليب بالمنزل، وكان أول كليب تصوره الفنانة "شيرين رضا".
قام الشاعر "مجدى النجار" بكتابة الأغنية، والفنان "عمرو دياب" قام بالتلحين والغناء، كما قام الفنان "حميد الشاعرى" بالتوزيع، وحملت كلمات الأغنية: "متخافيش أنا مش ناسيكى.. متخافيش لو مين نادانى.. مش هعيش من غير عينيكى.. مش هعيش مع حب تانى.. ده قدرى ومكتوبى إنتى.. وعشقى ومحبوبى إنتى.. متخافيش من أى فرقة.. بعد أى فراق لقانا.. مهما أروح يا روحى عاشقة.. البعاد هيزيد هوانا.. مهما أشوف فى الكون ملايكة.. مش هكون غير بس ليكى.. مستحيل أنا أتوه فى سكة.. فيها فى الآخر عينيكى..".
عينى منك
قدم الفنان "عمرو دياب" إلى "شيرين رضا" أغنية "عينى منك"، حيث صدرت الأغنية ضمن ألبوم "خالصين" عام 1987م، وهى من كتابة الشاعر "مجدى النجار" وتلحين "عمرو دياب" وتوزيع "فتحى سلامة".
ووجه الهضبة كلامه إلى الفنانة "شيرين رضا" خلال أحداث الفيديو كليب، حيث قال: "عينى عينى منك والله والله عينى منك.. يا سكر نبات نصى الحلو إنتى.. إنتى يا حبيبتى يا أحلى البنات.. واربى الباب وعدى عدى القلب عدى.. وعدى من سكات قلبى دار أمان.. قلبى يا ضنايا ملاك مش معايا تايهه من زمان.. تايهه جوه أرضك ألف آه فى عرضك تدينى العنوان.. إيه آخرتها معاكى حب وحبناكى، صبر صبرنا سنين.. عشق عشقت عينيكى غيرة وغيرت عليكى، وبرضه مش عاجبين..".
ويعد ألبوم "خالصين" هو الألبوم الرابع للفنان "عمرو دياب"، وضم الألبوم 10 أغانى وهم (خالصين، هى عايزانى، السكة مش طويلة، عينى منك، أفراح، أمال إيه، كلام العين، يا طير يا متغرب، لو قال، زيتونى).
يا كنزى
قام "عمرو دياب" بالغناء لإبنته "كنزى" فى أغنية طرحها فى ألبومه "علم قلبى" الذى صدر عام 2003م وهو الألبوم العشرين له، وقامت شركة "عالم الفن" بإنتاج الألبوم، حيث ضم الألبوم 12 أغنية هم (علم قلبى، علمنى هواك، قال لى الوداع، أنا عايش، حبيبى يا عمرى، حنيت، خلينى جنبك، كلهم، لو عشقانى، أنت ماقولتليش ليه، تقدر تتكلم، يا كنزى).
بدأ "عمرو دياب" الأغنية بكلمات: "يا كنزى وكل ما ليا حياة قلبى ونور عينى.. جمال الدنيا فى عنيا، جمال الدنيا فى عنيا"، وأكمل الأغنية: "عشقته ولما كلمنى.. بحنية نده ليا بقوله آه تجننى.. حبيبى معاه حياتى وكل أحلامى.. وعايش ليه بعمرى وكل أيامى.. عشقته ولما كلمنى بحنية نده ليا.. بقوله آه تجننى آه تجننى.. عيونه وهيا بتسلم بتتكلم وتسحرنى.. وألاقى كلامها يشغلنى بلاقى كلامها يشغلنى.. حياتى ودنيتى وعمرى نده قلبى.. ملك أمرى يا نور الدنيا يا قمرى.. وعايش ليه بعمرى وكل أيامى.. عشقته ولما كلمنى بحنيه نده ليا.. بقوله آه تجننى آه تجننى..".
نور العين
بعد أن قام الفنان "عمرو دياب" بغناء "متخافيش، وعينى منك" لزوجته السابقة "شيرين رضا" قام أيضاً بالغناء لإبنتهما "نور" أغنية "نور العين"، حيث صدر الألبوم عام 1996م، وهو الألبوم الخامس عشر للهضبة، وصنف كأفضل وأشهر ألبوم عربى، وضم الألبوم 8 أغانى وهم (نور العين، مش هضعف، نفس المكان، ليلة من عمرى، عايزين يغيروك، من أول مرة، إوعدنى، يومينهم).
وكشف "الهضبة" عن حبه لإبنته، حيث قال: "حبيبى يا نور العين، يا ساكن خيالى.. عاشق بقالى سنين، ولا غيرك ببالى.. حبيبى، حبيبى يا نور العين.. أجمل عيون فى الكون، أنا شوفتها.. الله عليك الله، على سحرها.. عيونك معايا، عيونك كفايه.. تنور ليالى، حبيبى يا نور العين.. قلبك ندانى وقال، بتحبنى.. الله عليك الله، طمنتنى.. معاك البداية، وكل الحكاية.. معاك للنهاية، حبيبى يا نور العين..".
كتب الأغنية الشاعر "أحمد شتا"، وقام بالتلحين "ناصر المزداوى"، كما قام بالتوزيع الفنان "حميد الشاعرى".
قمرين
طرح الفنان "عمرو دياب" أغنية "قمرين" عام 1999م والتى غناها لأبنائه التوأمين "زينة، عبد الله"، وكانت الأغنية ضمن ألبوم يضم 8 أغانى وهم (قمرين، أنا، قلبى، بحبك أكتر، بتوحشنى، ولسه بتحبه، خليك فاكرنى، حكاياتى)، وكانت الأغنية كتابة الشاعر "محمد رفاعى" وتلحين "شريف تاج" وتوزيع "طارق مدكور".
وحملت كلمات الأغنية: "والله ما كان على بالى يا هوا.. والله ما كان على بالى يا هوا.. قمرين، قمرين دول ولا عينيك.. قلبى بيسألنى عليك، أتارينى بفكر فيك.. يا قلبى يانا من حبه يانا.. يا شوق أمانة تملى الليالى غرام.. أهين يا عمرى يا كل عمرى.. سلمته أمرى وعينيك قالت لى كلام.. والله ما كان على بالى يا هوا.. والله ما كان على بالى يا هوا.. قمرين، قمرين دول ولا عينيك.. قلبى بيسألنى عليك، أتارينى بفكر فيك.. وأنا إيه جرالى خلانى أدوب فى هواك.. اشمعنا أنت حبيتك أنت.. إزاى وأمتى شغلت روحى معاك.. والله ما كان على بالى يا هوا.. والله ما كان على بالى يا هوا.. قمرين، قمرين دول ولا عينيك.. قلبى بيسألنى عليك، أتارينى بفكر فيك..".
جانا
وقام الفنان "عمرو دياب" بالغناء إلى إبنته الصغرى "جانا" أغنية "جانا"، وهى ضمن ألبوم "شفت الأيام" الذى صدر عام 2014م، وهو يضم 11 أغنية (شفت الأيام، جماله، وهتبتدى الحكايات، أنا مش أنانى، ونعيش، مش جديد، ساعة الفراق، جانا، كان كل حاجة، أيوة اتغيرت، أهو ليل وعدى).
كتب كلمات الأغنية الشاعر "تامر حسين" وقام بالتلحين "عمرو دياب" وقام بالتوزيع "أسامة الهندى"، ووصف حبه لإبنته فى كلمات الأغنية حيث قال: "أنا حبيتها بكل ما فيا.. واتعلقت بحبها ليا.. أجمل واحدة شافتها عينيا.. كل ما أشوفها بقول الله.. جانا جانا جانا يا أغلى ما ليا.. جانا جانا جانا يا روحى أنا.. بالترتيب كده أحلى ما فيا.. براءتها ضحكتها عينيها.. بتزيد حيرتى وخوفى عليها.. كل ما أشوفها تكون أحلى.. جانا جانا جانا يا أغلى ما ليا.. جانا جانا جانا يا روحى أنا.. حنيتها وسحر كلامها.. بيخلونى أضعف قدامها.. قلبى ماحبش أبداً غيرها.. صوتها بيوهب قلبى حياة.. جانا جانا جانا يا أغلى ما ليا.. جانا جانا جانا يا روحى أنا..".
وياه
صدر ألبوم "وياه" فى 2009م، وضم الألبوم 12 أغنية (وياه، بقدم قلبى، إلا حبيبى، الله على حبك أنت، يهمك فى إيه، حلوة الأيام، طمنى، مالك، وحياتى خليكى، عينى وأنا شايفه، آم من الفراق، بعدت ليه)، ومنح "دياب" الفرصة إلى نجل شقيقه "عبد الرحمن" للغناء فى نهاية فيديو كليب أغنية "وياه"، كما ظهر فى الفيديو كليب "جنا، وكنزى، وعبدالله" أبناء "الهضبة"، وكانت الأغنية من كتابة الشاعر "تامر حسين" وتلحين "عمرو مصطفى" وتوزيع "حسن الشافعى" الذى قام بتوزيع الألبوم كاملاً.
وحملت كلمات الأغنية: "ده اللى كان نفسى فيه، لو تيجى صدفة تجمعنى بيه.. فرصة عمرى أضيعها ليه، مش معقول.. عينى قدام عينيه، بأكتر من اللى حلمت بيه، ده اليوم اللى أنا مستنيه، علشان أقول.. وياه الحياة تحلى وأنا معاه، هو ده اللى أنا بتمناه.. واللى عينى شيفاه إحساس إنه أحلى وأغلى الناس.. خلى قلبى يقولى خلاص أهدى بقى لقيناه.. أيوة هقول وأعيد مهو بقى جنبى ومش بعيد فرحه.. قلبى كأنه عيد مستنيه.. يلا أهوه جيه الأوان مش هستنى ليوم كمان لازم أقوله من زمان عينى عليه.. وياه الحياة تحلى وأنا معاه، هو ده اللى أنا بتمناه.. واللى عينى شيفاه إحساس إنه أحلى وأغلى الناس.. خلى قلبى يقولى خلاص أهدى بقى لقيناه..".
يا أجمل عيون
صدر ألبوم "معدى الناس" عام 2017م، وضم 10أغانى وهم (قلبى اتمناه، قمر ايه، آه حبيبى، أول كل حاجة، يا أجمل عيون، نغمة الحرمان، جنب حبيبى، حبايب ايه، معدى الناس، أحلى حاجة).
وظن الكثير من الناس أن الفنان "عمرو دياب" قصد بأغنية "يا أجمل عيون" الفنانة "دينا الشربينى" لأنها تنتمى لبرج الحوت، ولكن "الهضبة" نفى هذا وكذلك ملحن الأغنية "عمرو مصطفى" نفى ذلك أيضاً عبر صفحته على الفيس بوك، حيث قال: زوجتى العزيزة ((برج الحوت)) وعشرة عمرى وشريكة نجاحى، أظن الرسالة وصلت، مفيش أغنية فى العالم بتوصل غير لما تكون صادقة، الكلمات صدرت من الشاعر ((تركى ال شيخ)) صادقة، ووصلتنى ولحنتها بصدق ووصلت (لعمرو دياب) فغناها بصدق، فنجحت بصدق، هى دى الحكاية.
وتضمنت الأغنية كلمات: "يا أجمل عيون وأحلى عيون، صحيتى ليل العاشقين.. صحيتى الشوق من غير ميعاد، وسافرتى لآخر البلاد.. يا أجمل عيون وأحلى عيون، صحيتى ليل العاشقين.. صحيتى الشوق من غير ميعاد، وسافرتى لآخر البلاد.. والله لحبك موت، وأحب برج الحوت.. وأعشق تفاصيلك، ضحك بكا وسكوت.. لإنك الدنيا، واللى يفوت يفوت.. ياللى إنتى عيونك، بحر ليل ونهار.. فيها سحر، فيها قلبى داب واحتار.. يا صوت نبرته حياة، حبيته وعشقت صداه.. والله لحبك موت، وأحب برج الحوت.. وأعشق تفاصيلك، ضحك بكا وسكوت.. لإنك الدنيا، واللى يفوت يفوت.. أنا ليكى ياللى إنتى، صوتك عذب وملائكى.. همسات صوتك، ضحكتك تروى عطش روحى.. نظرة عيونك ملهمة، وإنتى دوا جروحى.. والله بحبك موت، وأحب برج الحوت.. وأعشق تفاصيلك، ضحك بكا وسكوت.. لإنك الدنيا، واللى يفوت يفوت..".
زى ما انتى
أصدر الفنان "عمرو دياب" ألبومه الجديد "سهران" فى 12 فبراير 2020م، ويضم 16 أغنية، وهى: (جامدة بس، سهران، هيعيش يفتكرنى، مهرجان، جميلة، بالضحكة دى، عم الطبيب، مكانك فى قلبى، حلوة البدايات، زى ما انتى، يا روقانك، روح، بحبه، قدام مرايتها، يوم تلات، أول يوم فى البعد).
احتفل "الهضبة" بعيد الحب مع الفنانة "دينا الشربينى" وشارك صورة لهما خلال تواجدهما بأحد المطاعم، وعلق على الصورة قائلاً: "Happy Valentine’s Day.. زى ما انتى".
وقام "عزيز الشافعى" بتأليف الأغنية وتلحينها، وتضمنت كلمات الأغنية: "إنتى لسه زى ما انتى قمر فى عينى.. أحلى عُمر ده اللى كان بينك وبينى.. وأما تيجى فى الكلام سيرتك بقول.. دى حبيبتى الغالية دى بنت الأصول.. مستحيل أقبل فى حقك أى كلمة.. انتى أعلى منهم فوق، انتى نجمة.. واللى بيسأل عليكى بقول دى نعمة.. مستحيل أوصف جمالك مهما أقول.. زى ما انتى، انتى عندى زى ما انتى.. الغلاوة هى هى والمشاعر مدارية.. ده انتى سايبة جوه قلبى ذكرى حلوة.. لسه صوتك بسمعه فى ودانى غنوة.. الحقيقة إن الحياة بعدك ما تسوى.. حبى ليكى فى البعد يقوى.. سيبك انتى عاملة إيه وإزيك انتى.. دى الغلاوة هى هى والمشاعر مدارية.. زى ما انتى، انتى عندى زى ما انتى.. الغلاوة هى هى والمشاعر مدارية.. زى ما انتى، انتى عندى زى ما انتى.. الغلاوة هى هى والمشاعر مدارية..".
أماكن السهر
ظهر "عمرو دياب" وهو يحمل "دينا الشربينى" على كتفيه أثناء تصوير فيديو كليب "أماكن السهر" وفى مشهد آخر وهما يسيران معاً على الشاطئ، وعلى مدار 4 دقائق وهى مدة الفيديو الكليب ظهر الثنائى فى مشاهد مختلفة اتسمت بالدلع والغزل.
والأغنية من كلمات "تامر حسين" وألحان "عزيز الشافعى" وتوزيع "أسامة الهندى"، وتم تصوير الفيديو كليب فى الساحل الشمالى، وتقول كلمات الأغنية: "ده فى أى مكان فى عيون باصين حواليه.. ويا عينى أول ما يبان الكل بيجرى عليه.. ده جواب بان من العنوان، اقروا المكتوب فى عينيه.. فى أماكن السهر، أنا قمرى طلع واتشهر.. والناس يقلقوا لو ظهر بيغطى ع الحلوين.. ع البحر إن مشى له حبايب بالملايين.. ده حبيبى لو نزل ع الأرض فى ناس تعتزل.. وده مين ده مدام يتعزل فى مكان مافيهوش مخلوق.. فى أماكن السهر، أنا قمرى طلع واتشهر.. والناس يقلقوا لو ظهر بيغطى ع الحلوين.. يشاور للسما ده جمال محتاج ترجمة.. مين شاف كده لا معلمه خليك فى مكانك فوق.. ده فى أى مكان فى عيون باصين حواليه.. فى أماكن السهر، أنا قمرى طلع واتشهر.. والناس يقلقوا لو ظهر بيغطى ع الحلوين.. ويا عينى أول ما ينام الكل بيجرى عليه.. ده جواب بان من العنوان اقروا المكتوب فى عينيه..".
تصدرت الأغنية تريند موقع اليوتيوب وحصلت على أكثر من 8 مليون مشاهدة، كما أنها حصلت على شعبية كبيرة على مواقع التواصل الإجتماعى.
