”ثورة صناديق” في الطالبية.. منصور يتضامن مع فؤاد وشلتوت لمراجعة كشوف الناخبين
محمد ربيع بوابة البرلمانأعلن المهندس إيهاب منصور عضو مجلس النواب بدائرة العمرانية، بمحافظة الجيزة، تضامنه مع البرلمانيين، الدكتور محمد فؤاد والأستاذ علاء شلتوت في مراجعة كشوف وحصر أعداد الناخبين من اللجان الفرعية ومطابقتها قبل إعلان النتيجة.
وأضاف نائب العمرانية في منشور عبر صفحته على "فيسبوك": "ذلك إيماناً منا بالدفاع عن حقوق المواطنين وحقهم في إعلان نتيجة الانتخابات بمنتهى الشفافية".
وتابع: "هذا ليس فقط حق للمرشحين ولكنه حق المواطنين في إعلان نتيجة تصويتهم داخل الصناديق الانتخابية".
وكان النائب محمد فؤاد، والمرشح في انتخابات برلمان 2020 عن الحزب المصري الديمقراطي بدائرة العمرانية والطالبية، قد كشف تفاصيل جديدة ومفاجئة، بعد إعلان منافسيه الحليفين محمد علي عبدالحميد "مستقبل وطن" وأحمد عاشور "الشعب الجمهوري" فوزهما بمقعدي الدائرة.
وقال: "ناس كتير اتكلمت إن النتيجة بسبب الرشاوى السياسية وشراء الأصوات وخلافه، طبعا فكرة شراء الأصوات كانت موجودة إلا إنها مش المؤثر الكبير في العملية الانتخابية بالشكل اللي يخلي العمرانية والطالبية ينزل فيها ٢٠٠ ألف ناخب، ده رقم خزعبلي شويتين".
وتابع: "الشاهد إن كشوف متابعة المحافظة الرسمية بتقول إن اللي انتخب في العمرانية والطالبية على مستوى اليومين حوالي ٥٥ ألف ناخب، طبعا، عندنا كشوف فرز معظم اللجان وتوزيعة النتيجة بتاعة كل مرشح معتمدة من كل لجنة".
وواصل: "المفاجأة كانت في التجميعة اللي في الصورة دي اللي على أساسها تم إعلان النتيجة من اللجنة العامة، والتجميعة دي بتقول مثلا إن محمد فؤاد حصل على ٦٤ ألف صوت، فيه استحالة إني أحصل على ٦٤ ألف صوت في حين اللي حضر فعليًا ٥٥ ألفا، ما بالك بمن حصل على ١٤٠ ألفا!".
واستكمل: "الموضوع هنا بسيط جدا، إحنا دلوقتي معانا محاضر فرز اللجان تثبت إننا لم نحصل عل ٦٤ ألف صوت وأكثر من دليل مادي إن الحضور لم يتعدى ٥٥ ألفا أصلا في العمرانية أو الطالبية بل تثبت ترتيب مختلف خالص عن اللي موجود هنا ده، ده مش مجرد رأي، دي نتائج كل مدرسة".
وواصل: "تم بالفعل تقديم طعون بهذا المضمون، المشكلة هنا تعدت فكرة النتيجة أو شراء الأصوات، إحنا عندنا مشكلة محتاجة حد يرد عليها بوضوح و بأرقام، ما يحدث مزعج جدًا ويحتاج بيانات حقيقية".
واختتم فؤاد: "بلاش نخلي الناس تفقد الثقة بشكل مخيف وسط غياب الحقائق، أنا ورقي معايا وبيثبت الواقع اللي مالوش علاقة بما تم إعلانه، ومنتظر ردود مقتعة ترد على أسئلة كثيرة بيطرحها الناس وعندهم حق فيها كلها".